៥. បញ្ចមសិក្ខាបទំ

១០៤៣. បញ្ចមេ ‘‘កុលេ មច្ឆរោ’’តិ ឯត្ថ មច្ឆរនំ មច្ឆរោតិ វចនត្ថោ កាតព្ពោ. ‘‘តំ កុលំ អស្សទ្ធំ អប្បសន្ន’’ន្តិ កុលស្ស អវណ្ណំ ភាសតីតិ យោជនា. ‘‘ភិក្ខុនិយោ ទុស្សីលា បាបធម្មា’’តិ ភិក្ខុនីនំ អវណ្ណំ ភាសតីតិ យោជនា.

១០៤៥. ‘‘សន្តំយេវ អាទីនវ’’ន្តិ សម្ពន្ធិយា សម្ពន្ធំ ទស្សេតុំ វុត្តំ ‘‘កុលស្ស វា ភិក្ខុនីនំ វា’’តិ ឥមិនា ទ្វីសុ អញ្ញតរមេវ ន សម្ពន្ធោ ហោតិ, អថ ខោ ទ្វយម្បីតិ ទស្សេតីតិ. បញ្ចមំ.