៣. បេសុញ្ញសិក្ខាបទំ

៣៦. តតិយេ ‘‘ជាតភណ្ឌនាន’’ន្តិ វត្តព្ពេ អគ្យាហិតោតិអាទីសុ វិយ វិសេសនបរនិបាតវសេន ‘‘ភណ្ឌនជាតាន’’ន្តិ វុត្តន្តិ អាហ ‘‘សញ្ជាតភណ្ឌនាន’’ន្តិ. ‘‘បុព្ពភាគោ’’តិ វត្វា តស្ស សរូបំ ទស្សេតិ ‘‘ឥមិនា ច ឥមិនា ចា’’តិអាទិនា. វិរុទ្ធំ វទតិ ឯតេនាតិ វិវាទោ, វិគ្គាហិកកថា, តំ អាបន្នាតិ វិវាទាបន្នា, តេសំ. បិសតិ សញ្ចុណ្ណេតីតិ បិសុណោ, បុគ្គលោ, តស្ស ឥទន្តិ បេសុញ្ញំ, វចនន្តិ អត្ថំ ទស្សេន្តោ អាហ ‘‘បេសុញ្ញន្តិ បិសុណវាច’’ន្តិ.

៣៧. ភិក្ខុបេសុញ្ញេតិ ភិក្ខូនំ សន្តិកំ ឧបសំហដេ បេសុញ្ញវចនេតិ ឆដ្ឋីសមាសោ.

៣៨. ‘‘ទិស្វា’’តិ បទំ ‘‘ភណន្តស្សា’’តិ បទេ បុព្ពកាលកិរិយា, ទស្សនំ ហុត្វាតិ អត្ថោ. តតិយំ.