២៤. អញ្ជនីនិទ្ទេសវណ្ណនា

១៨២. វដ្ដា វា អដ្ឋសោឡសំសា វា មដ្ឋា បុប្ផលតាទីហិ អចិត្តកា អញ្ជនី វដ្ដតីតិ អត្ថោ. តិស្សោបិ វដ្ដន្តិ, ឯកាយ វា ទ្វីសុ វា កថា ឯវ នត្ថីតិ អធិប្បាយោ. លេខាតិ វដ្ដលេខា. ពន្ធិតុន្តិ បិធានកពន្ធនត្ថំ.

១៨៣. រូបន្តិ សកុណរូបាទិ. យទិ ច ឯទិសំ អញ្ញេហិ កតំ លភតិ, ឃំសិត្វា វា ឆិន្ទិត្វា វា យថា វា ន បញ្ញាយតិ, តថា សុត្តេន វេឋេត្វា វឡញ្ជេតព្ពំ.

១៨៤. ថវិកាតិ អញ្ជនិថវិកា. អញ្ជនិសលាកាបិ លព្ភតីតិ សម្ពន្ធោ.

១៨៥-៦. អដ្ឋីតិ (មហាវ. ២៦៦; មហាវ. អដ្ឋ. ២៦៤) មនុស្សដ្ឋិំ ឋបេត្វា អវសេសដ្ឋិ. វិសាណទន្តេសុ អកប្បិយំ នាម នត្ថិ. អាមលកកក្កាទីហិ កតា ផលមយា. តម្មយាតិ ឥធ វុត្តេហេវ និព្ពត្តា. អញ្ជនីវិនិច្ឆយោ.

អញ្ជនីនិទ្ទេសវណ្ណនា និដ្ឋិតា.