៥. មញ្ចបីឋសិក្ខាបទវណ្ណនា

អដ្ឋង្គុលបាទកន្តិ ភាវនបុំសកនិទ្ទេសោ. ‘‘ឆេទនកំ ភេទនកសទិសមេវា’’តិ ឥមិនា ‘‘ឆេទនមេវ ឆេទនកំ, តំ អស្ស អត្ថីតិ ឆេទនក’’ន្តិ ឥមមត្ថំ អតិទិសតិ.

យថា បមាណមេវ ឧបរិ ទិស្សតិ, ឯវំ និខណិត្វា វាតិ សចេ បន ន ឆិន្ទិតុកាមោ ហោតិ, យថា បមាណមេវ ឧបរិ ទិស្សតិ, ឯវំ ភូមិយំ និខណិត្វា វា. អដ្ដកំ វា ពន្ធិត្វាតិ ឧក្ខិបិត្វា តុលាសង្ឃាតេ ឋបេត្វា អដ្ដំ កត្វា.

មញ្ចបីឋសិក្ខាបទវណ្ណនា និដ្ឋិតា.