៥. តលសត្តិកសិក្ខាបទវណ្ណនា

តលសត្តិកន្តិ តលមេវ តលសត្តិកំ. ‘‘បោថនសមត្ថដ្ឋេន សត្តិក’’ន្តិ (វជិរ. ដី. បាចិត្តិយ ៤៥៦) ឯកេ. ឧច្ចារេយ្យាតិ ឧក្ខិបេយ្យ. នបហរិតុកាមតាយ ទិន្នត្តា ទុក្កដន្តិ ឯត្ថ បហរិតុកាមតាយ បហរិតេ បុរិមសិក្ខាបទេន បាចិត្តិយំ. ឧច្ចារេតុកាមតាយ កេវលំ ឧគ្គិរណមត្តេ កតេ ឥមិនា បាចិត្តិយំ. ឥមិនា បន វិរជ្ឈិត្វា បហារោ ទិន្នោ, តស្មា ទុក្កដំ. ឯត្ថ បន ‘‘តិរច្ឆានគតាទីនំ អសុចិករណាទីនិ ទិស្វា កុជ្ឈិត្វាបិ ឧគ្គិរន្តស្ស មោក្ខាធិប្បាយោយេវា’’តិ (សារត្ថ. ដី. បាចិត្តិយ ៣.៤៧១) វទន្តិ.

តលសត្តិកសិក្ខាបទវណ្ណនា និដ្ឋិតា.