១. សហធម្មិកសិក្ខាបទវណ្ណនា

សហធម្មិកំ វុច្ចមានោតិ សហធម្មិកេន វុច្ចមានោ. ករណត្ថេ ចេតំ ឧបយោគវចនំ. ‘‘បញ្ចហិ សហធម្មិកេហិ សិក្ខិតព្ពត្តា, តេសំ វា សន្តកត្តា ‘សហធម្មិក’ន្តិ លទ្ធនាមេន ពុទ្ធបញ្ញត្តេន សិក្ខាបទេន វុច្ចមានោតិ អត្ថោ’’តិ (កង្ខា. អដ្ឋ. ទុព្ពចសិក្ខាបទវណ្ណនា; បារា. អដ្ឋ. ២.៤២៥-៤២៦) ទុព្ពចសិក្ខាបទេ វុត្តត្តា ‘‘សហធម្មិកំ វុច្ចមានោតិ ឥមស្សត្ថោ ទុព្ពចសិក្ខាបទេ វុត្តោ’’តិ វុត្តំ. អនាទរិយភយាតិ អនាទរករណេ ភយា, តត្ថ បាចិត្តិយភយាតិ អត្ថោ. លេសេន ឯវំ វទន្តស្សាតិ ឧជុកំ ‘‘ន សិក្ខិស្សាមី’’តិ អវត្វា ‘‘យាវ ន អញ្ញំ ភិក្ខុ’’ន្តិអាទិនា លេសេន វទន្តស្ស.

សហធម្មិកសិក្ខាបទវណ្ណនា និដ្ឋិតា.