៣. ឧក្កោដនសិក្ខាបទវណ្ណនា

តស្ស តស្ស ភិក្ខុនោតិ យេន យេន វូបសមិតំ, តស្ស តស្ស ភិក្ខុនោ. ‘‘អកតំ កម្ម’’ន្តិអាទីនិ វទន្តោតិ ‘‘អកតំ កម្មំ, ទុក្កដំ កម្មំ, បុន កាតព្ពំ កម្មំ, អនិហតំ ទុន្និហតំ បុន និហនិតព្ព’’ន្តិ (បាចិ. ៣៩៤) វទន្តោ. យថាឋិតភាវេន បតិដ្ឋាតុំ ន ទទេយ្យាតិ តេសំ បវត្តិ អាការទស្សនត្ថំ វុត្តំ. តេនាហ ‘‘យំ បន ធម្មេន អធិករណំ និហតំ, តំ សុនិហតមេវា’’តិ.

ឧក្កោដនសិក្ខាបទវណ្ណនា និដ្ឋិតា.