១-២. ឆត្តុបាហនាទិសិក្ខាបទវណ្ណនា

វុត្តលក្ខណំ ឆត្តន្តិ ‘‘ឆត្តំ នាម តីណិ ឆត្តានិ – សេតច្ឆត្តំ, កិលញ្ជច្ឆត្តំ, បណ្ណច្ឆត្តំ មណ្ឌលពទ្ធំ, សលាកពទ្ធ’’ន្តិ (បាចិ. ១១៨១) ឯវំ បទភាជនេ វុត្តលក្ខណំ ឆត្តំ. តាទិសំ ឋានំ បត្វាតិ គច្ឆកទ្ទមាទីសុ តំ តំ ឋានំ បត្វា.

ឆត្តស្សេវាតិ កទ្ទមាទីនិ បត្វា ឧបាហនា ឱមុញ្ចិត្វា ឆត្តស្សេវ ធារណំ. ឧបាហនានំយេវ វាតិ គច្ឆាទីនិ ទិស្វា ឆត្តំ អបនាមេត្វា ឧបាហនានំយេវ ធារណំ.

ទុតិយំ ឧត្តានត្ថមេវ.

ឆត្តុបាហនាទិសិក្ខាបទវណ្ណនា និដ្ឋិតា.