១. រាជាគារសិក្ខាបទវណ្ណនា

កីឡនចិត្តសាលន្តិ ន រញ្ញោវ កីឡនចិត្តសាលំ, អថ ខោ យេសំ កេសញ្ចិ មនុស្សានំ កីឡនត្ថំ យត្ថ កត្ថចិ កតសាលំ. ឯស នយោ ‘‘កីឡនឧបវន’’ន្តិអាទីសុបិ. យថាហ ‘‘រាជាគារំ នាម យត្ថ កត្ថចិ រញ្ញោ កីឡិតុំ រមិតុំ កតំ ហោតី’’តិអាទិកោ (បាចិ. ៩៧៩) វិត្ថារោ. តត្ថ កីឡនឧបវនន្តិ កីឡនត្ថំ អន្តោនគរេ កតំ អារាមំ. កីឡនុយ្យានន្តិ តថេវ ពហិនគរេ កតំ ឧយ្យានំ.

រាជាគារសិក្ខាបទវណ្ណនា និដ្ឋិតា.