១០. ទុតិយសហជីវិនិសិក្ខាបទវណ្ណនា

ទសមេ នេវ វូបកាសេយ្យាតិ ន គហេត្វា គច្ឆេយ្យ. ន វូបកាសាបេយ្យាតិ ‘‘ឥមំ, អយ្យេ, គហេត្វា គច្ឆាហី’’តិ អញ្ញំ ន អាណាបេយ្យ. បាចិត្តិយន្តិ ធុរេ និក្ខិត្តមត្តេ បាចិត្តិយំ.

សាវត្ថិយំ ថុល្លនន្ទំ អារព្ភ សហជីវិនិយា អវូបកាសនវត្ថុស្មិំ បញ្ញត្តំ. សតិ បន អន្តរាយេ, បរិយេសិត្វា ទុតិយិកំ អលភន្តិយា, គិលានាយ, អាបទាសុ, ឧម្មត្តិកាទីនញ្ច អនាបត្តិ. សហជីវិនិតា, វូបកាសវូបកាសាបនេ ធុរនិក្ខេបោ, អនុញ្ញាតការណាភាវោតិ ឥមានេត្ថ តីណិ អង្គានិ. សមុដ្ឋានាទីនិ សមនុភាសនសទិសានីតិ.

ទុតិយសហជីវិនិសិក្ខាបទវណ្ណនា និដ្ឋិតា.

គព្ភិនីវគ្គោ សត្តមោ.