១០. រោទនសិក្ខាបទវណ្ណនា

ទសមេ វធិត្វាតិ ហត្ថាទីហិ បហរិត្វា, ឧភយំ ករោន្តិយាវ បាចិត្តិយំ.

សាវត្ថិយំ ចណ្ឌកាឡិំ អារព្ភ អត្តានំ វធិត្វា រោទនវត្ថុស្មិំ បញ្ញត្តំ, កេវលំ វធន្តិយា វា រោទន្តិយា វា ទុក្កដមេវ. ញាតិរោគភោគព្យសនេហិ ផុដ្ឋាយ កេវលំ រោទន្តិយា ឯវ ន វធន្តិយា, ឧម្មត្តិកាទីនញ្ច អនាបត្តិ. អត្តានំ វធនញ្ចេវ, រោទនញ្ចាតិ ឥមានេត្ថ ទ្វេ អង្គានិ. សមុដ្ឋានាទីនិ សមនុភាសនសទិសានិ, ឥទំ បន កិរិយមេវាតិ.

រោទនសិក្ខាបទវណ្ណនា និដ្ឋិតា.

រត្តន្ធការវគ្គោ ទុតិយោ.