១០. ជីវិតិន្ទ្រិយកថាវណ្ណនា

៥៤០. អរូបជីវិតិន្ទ្រិយន្តិបញ្ហេ ‘‘អត្ថិ អរូបីនំ ធម្មានំ អាយូ’’តិអាទិកំ បញ្ហំ អន្តំ គហេត្វា វទតិ. អរូបធម្មានំ ចិត្តវិប្បយុត្តំ ជីវិតិន្ទ្រិយសន្តានំ នាម អត្ថីតិ ឥច្ឆតីតិ ឯត្ថ រូបារូបធម្មានំ តំ ឥច្ឆន្តោ អរូបធម្មានំ ឥច្ឆតីតិ វត្តុំ យុត្តោតិ ‘‘អរូបធម្មាន’’ន្តិ វុត្តន្តិ ទដ្ឋព្ពំ.

៥៤១. សត្តសន្តានេ រូបិនោ វា ធម្មា ហោន្តូតិអាទិនាបិ តមេវ ជីវិតិន្ទ្រិយសន្តានំ វទតីតិ វេទិតព្ពំ.

៥៤២. បុព្ពាបរភាគំ សន្ធាយាតិ សមាបត្តិយា អាសន្នភាវតោ តទាបិ សមាបន្នោយេវាតិ អធិប្បាយោ.

៥៤៤-៥៤៥. ទ្វេ ជីវិតិន្ទ្រិយានីតិ ‘‘បុច្ឆា សកវាទិស្ស, បដិញ្ញា ឥតរស្សា’’តិ បុរិមបាឋោ. ‘‘បុច្ឆា បរវាទិស្ស, បដិញ្ញា សកវាទិស្សា’’តិ បច្ឆិមបាឋោ, សោ យុត្តោ.

ជីវិតិន្ទ្រិយកថាវណ្ណនា និដ្ឋិតា.