១១. កម្មហេតុកថាវណ្ណនា

៥៤៦. សេសន្តិ បាណាតិបាតាទិកម្មស្ស ហេតូតិ ឥតោ បុរិមំ សោតាបន្នាទិអនុយោគំ វទតិ. ហន្ទ ហីតិ បរវាទិស្សេវេតំ សម្បដិច្ឆនវចនន្តិ សម្បដិច្ឆាបេតុន្តិ ន សក្កា វត្តុំ, ‘‘កតមស្ស កម្មស្ស ហេតូ’’តិ បន សកវាទី តំ សម្បដិច្ឆាបេតុំ វទតីតិ យុជ្ជេយ្យ, សម្បដិច្ឆាបេតុន្តិ បន បក្ខំ បដិជានាបេតុន្តិ អត្ថំ អគ្គហេត្វា បរវាទី អត្តនោ លទ្ធិំ សកវាទិំ គាហាបេតុន្តិ អត្ថោ ទដ្ឋព្ពោ.

កម្មហេតុកថាវណ្ណនា និដ្ឋិតា.

អដ្ឋមវគ្គវណ្ណនា និដ្ឋិតា.