៩. អនុបុព្ពាភិសមយកថាវណ្ណនា

៣៣៩. អនុបុព្ពាភិសមយកថាយំ អថវាតិអាទិនា ឥទំ ទស្សេតិ – ចតុន្នំ ញាណានំ ឯកមគ្គភាវតោ ន ឯកមគ្គស្ស ពហុភាវាបត្តិ, អនុបុព្ពេន ច សោតាបត្តិមគ្គំ ភាវេតីតិ ឧបបន្នន្តិ បដិជានាតីតិ.

៣៤៤. តទាតិ ទស្សនេ បរិនិដ្ឋិតេ.

៣៤៥. អដ្ឋហិ ញាណេហីតិ ឯត្ថ បដិសម្ភិទាញាណេហិ សហ អដ្ឋសុ គហិតេសុ និរុត្តិបដិភានបដិសម្ភិទាហិ សោតាបត្តិផលសច្ឆិកិរិយា កថំ ហោតីតិ វិចារេតព្ពំ.

អនុបុព្ពាភិសមយកថាវណ្ណនា និដ្ឋិតា.