៩. អបរិនិប្ផន្នកថាវណ្ណនា

៩១៧-៩១៨. ន អនិច្ចាទិភាវន្តិ ឯត្ថ អនិច្ចាទិកោ ភាវោ ឯតស្សាតិ អនិច្ចាទិភាវន្តិ រូបំ វុត្តំ. ‘‘ន កេវលញ្ហិ បឋមសច្ចមេវ ទុក្ខ’’ន្តិ វទន្តេន ‘‘ទុក្ខញ្ញេវ បរិនិប្ផន្ន’’ន្តិ ទុក្ខសច្ចំ សន្ធាយ បុច្ឆា កតាតិ ទស្សិតំ ហោតិ. ឯវំ សតិ តេន ‘‘ចក្ខាយតនំ អបរិនិប្ផន្ន’’ន្តិអាទិ ន វត្តព្ពំ សិយា. ន ហិ ចក្ខាយតនាទីនិ អនុបាទិន្នានិ លោកុត្តរានិ វា. តន្តិ ‘‘ទុក្ខញ្ញេវ បរិនិប្ផន្នំ, ន បន រូប’’ន្តិ ឯតំ រូបស្ស ច ទុក្ខត្តា នោ វត រេ វត្តព្ពេតិ អត្ថោ.

អបរិនិប្ផន្នកថាវណ្ណនា និដ្ឋិតា.

តេវីសតិមវគ្គវណ្ណនា និដ្ឋិតា.

កថាវត្ថុបករណ-មូលដីកា សមត្តា.

នមោ តស្ស ភគវតោ អរហតោ សម្មាសម្ពុទ្ធស្ស