៩. តតិយសញ្ញាវេទយិតកថាវណ្ណនា

៧៣២. តតិយសញ្ញាវេទយិតកថាយំ សេសសត្តេ សន្ធាយាតិ និរោធសមាបន្នតោ អញ្ញេ យេសំ និរោធសមាបត្តិយា ភវិតព្ពំ, តេ បញ្ចវោការសត្តេ សន្ធាយាតិ អធិប្បាយោ, អសញ្ញសត្តានម្បិ ច សញ្ញុប្បាទា ចុតិំ ឥច្ឆន្តីតិ សេសសព្ពសត្តេ សន្ធាយាតិ វា. សរីរបកតិន្តិ តថារូបោ អយំ កាយោ, យថារូបេ កាយេ បាណិសម្ផស្សាបិ កមន្តីតិអាទិកំ.

៧៣៣-៧៣៤. សុត្តវិរោធោ សិយាតិ ឥទំ បរវាទិំ សម្បដិច្ឆាបេត្វា វត្តព្ពំ.

តតិយសញ្ញាវេទយិតកថាវណ្ណនា និដ្ឋិតា.