១០. អសញ្ញសត្តុបិកាកថាវណ្ណនា

៧៣៥. សញ្ញាវិរាគវសេន បវត្តភាវនា អសញ្ញសមាបត្តិបីតិ លទ្ធិកិត្តនេ សញ្ញាវិរាគវសេន បវត្តភាវនំ ចតុត្ថជ្ឈានសមាបត្តិំ ‘‘អសញ្ញសមាបត្តី’’តិ អគ្គហេត្វា សាបិ អសញ្ញិតា សញ្ញាវេទយិតនិរោធសមាបត្តិយេវ នាមាតិ បរស្ស លទ្ធីតិ ទស្សេតិ. យស្មា អសញ្ញសមាបត្តិំ សមាបន្នស្ស អលោភាទយោ អត្ថីតិ ឯត្ថ សកសមយសិទ្ធា ចតុត្ថជ្ឈានសមាបត្តិ ‘‘អសញ្ញសមាបត្តី’’តិ វុត្តា.

៧៣៦. សញ្ញាវិរាគវសេន សមាបន្នត្តា អសញ្ញិតា, ន សញ្ញាយ អភាវតោតិ ចតុត្ថជ្ឈានសមាបត្តិមេវ សន្ធាយ វទតិ.

អសញ្ញសត្តុបិកាកថាវណ្ណនា និដ្ឋិតា.