២. អញ្ញមញ្ញបច្ចយកថាវណ្ណនា

៧១៨-៧១៩. អបុញ្ញាភិសង្ខារោវ គហិតោ ‘‘ននុ អវិជ្ជា សង្ខារេន សហជាតា’’តិ វុត្តត្តាតិ អធិប្បាយោ. សហជាតអញ្ញមញ្ញអត្ថិអវិគតសម្បយុត្តវសេនាតិ ឯត្ថ និស្សយោ កមភេទេន អត្ថិគ្គហណេន គហិតោ ហោតីតិ ន វុត្តោ, កម្មាហារា អសាធារណតាយាតិ វេទិតព្ពា. វក្ខតិ ហិ ‘‘តីណិ ឧបាទានានិ អវិជ្ជាយ សង្ខារា វិយ តណ្ហាយ បច្ចយា ហោន្តី’’តិ (កថា. អដ្ឋ. ៧១៨-៧១៩), តស្មា ឧបាទានេហិ សមានា ឯវេត្ថ សង្ខារានំ បច្ចយតា ទស្សិតាតិ.

អញ្ញមញ្ញបច្ចយកថាវណ្ណនា និដ្ឋិតា.