១០. បញ្ញត្តានុយោគវណ្ណនា

៦១-៦៦. រូបកាយាវិរហំ សន្ធាយ ‘‘រូបកាយសព្ភាវតោ’’តិ អាហ. ‘‘រូបិនោ វា អរូបិនោ វា’’តិ (ឥតិវុ. ៩០) សុត្តេ អាគតបញ្ញត្តិំ សន្ធាយ ‘‘តថារូបាយ ច បញ្ញត្តិយា អត្ថិតាយា’’តិ. វីតរាគសព្ភាវតោតិ កាមីភាវស្ស អនេកន្តិកត្តា កាមធាតុយា អាយត្តត្តាភាវតោ ច ‘‘កាមី’’តិ ន វត្តព្ពោតិ បដិក្ខិបតីតិ អធិប្បាយោ.

៦៧. កាយានុបស្សនាយាតិ ការណវចនមេតំ, កាយានុបស្សនាយ ការណភូតាយ ឯវំលទ្ធិកត្តាតិ អត្ថោ. អាហច្ច ភាសិតន្តិ ‘‘អញ្ញំ ជីវំ អញ្ញំ សរីរន្តិ អព្យាកតមេតំ មយា’’តិ (ម. និ. ២.១២៨) អាហច្ច ភាសិតំ.

បញ្ញត្តានុយោគវណ្ណនា និដ្ឋិតា.