៨. អដ្ឋមនយោ វិប្បយុត្តេនសម្បយុត្តបទវណ្ណនា

៣១៧. វិប្បយុត្តេនសម្បយុត្តបទនិទ្ទេសេ រូបក្ខន្ធាទីហិ វិប្បយុត្តេនសម្បយុត្តមេវ យថានិទ្ធារិតំ នត្ថីតិ ‘‘រូបក្ខន្ធេន យេ ធម្មា វិប្បយុត្តា, តេហិ ធម្មេហិ យេ ធម្មា សម្បយុត្តា’’តិ អវត្វា ‘‘រូបក្ខន្ធេន យេ ធម្មា វិប្បយុត្តា, តេ ធម្មា កតិហិ ខន្ធេហិ…បេ… សម្បយុត្តាតិ នត្ថី’’តិ វុត្តំ. តេន រូបក្ខន្ធេន វិប្បយុត្តានំ កេនចិ ខន្ធាទិនា សម្បយោគាភាវតោ យថានិទ្ធារិតំ វិប្បយុត្តេនសម្បយុត្តមេវ នត្ថិ, កុតោ តស្ស បុន ខន្ធាទីហិ សម្បយុត្តតាតិ ទស្សេតិ.

អដ្ឋមនយវិប្បយុត្តេនសម្បយុត្តបទវណ្ណនា និដ្ឋិតា.