១០. ទុតិយអគារវសុត្តវណ្ណនា

១០. ទសមេ វុទ្ធិន្តិអាទីសុ សីលេន វុទ្ធិំ, មគ្គេន វិរុឡ្ហិំ, និព្ពានេន វេបុល្លំ. សីលសមាធីហិ វា វុទ្ធិំ, វិបស្សនាមគ្គេហិ វិរុឡ្ហិំ, ផលនិព្ពានេហិ វេបុល្លំ. ឯត្ថ ច យស្ស ចតុព្ពិធំ សីលំ អខណ្ឌាទិភាវប្បវត្តិយា សុបរិសុទ្ធំ វិសេសភាគិយត្តា អប្បកសិរេនេវ មគ្គផលាវហំ សង្ឃរក្ខិតត្ថេរស្ស វិយ, សោ តាទិសេន សីលេន ឥមស្មិំ ធម្មវិនយេ វុទ្ធិំ អាបជ្ជិស្សតិ. តេន វុត្តំ – ‘‘សីលេន វុទ្ធិ’’ន្តិ. យស្ស បន អរិយមគ្គោ ឧប្បន្នោ, សោ វិរូឡ្ហមូលោ វិយ បាទបោ សុប្បតិដ្ឋិតត្តា សាសនេ វិរូឡ្ហិំ អាបន្នោ នាម ហោតិ. តេន វុត្តំ – ‘‘មគ្គេន វិរូឡ្ហិ’’ន្តិ. យោ សព្ពកិលេសនិព្ពានប្បត្តោ, សោ អរហា សីលាទិធម្មក្ខន្ធបារិបូរិយា សតិ វេបុល្លប្បត្តោ ហោតិ. តេន វុត្តំ ‘‘និព្ពានេន វេបុល្ល’’ន្តិ. ទុតិយវិកប្បេ អត្ថោ វុត្តនយានុសារេន វេទិតព្ពោ.

ទុតិយអគារវសុត្តវណ្ណនា និដ្ឋិតា.

សេខពលវគ្គវណ្ណនា និដ្ឋិតា.