៨. ថេរសុត្តវណ្ណនា

៨៨. អដ្ឋមេ ថិរភាវប្បត្តោតិ សាសនេ ថិរភាវំ អនិវត្តិភាវំ បត្ថោ. បព្ពជិតោ ហុត្វា ពហូ រត្តិយោ ជានាតីតិ រត្តញ្ញូ. តេនាហ ‘‘បព្ពជិតទិវសតោ បដ្ឋាយា’’តិអាទិ. បាកដោតិ អយថាភូតគុណេហិ ចេវ យថាភូតគុណេហិ ច សមុគ្គតោ. យសោ ឯតស្ស អត្ថីតិ យសស្សី, យសំ សិតោ និស្សិតោ វា យសស្សី. តេនាហ ‘‘យសនិស្សិតោ’’តិ. អសតំ អសាធូនំ ធម្មា អសទ្ធម្មា, អសន្តា វា អសុន្ទរា គារយ្ហា លាមកា ធម្មាតិ អសទ្ធម្មា. វិបរិយាយេន សទ្ធម្មា វេទិតព្ពា.

ថេរសុត្តវណ្ណនា និដ្ឋិតា.