៩. បធានសុត្តវណ្ណនា

៦៩. នវមេ បទហតិ ឯតេហីតិ បធានានិ. ឧត្តមវីរិយានិ សេដ្ឋវីរិយានិ វិសិដ្ឋស្ស អត្ថស្ស សាធនតោ. កិលេសានំ សំវរត្ថាយាតិ យថា អភិជ្ឈាទយោ ន ឧប្បជ្ជន្តិ, ឯវំ សតិយា ឧបដ្ឋានេន កិលេសានំ សំវរណត្ថាយ. បជហនត្ថាយាតិ កាមវិតក្កាទីនំ វិនោទនត្ថាយ. បធានន្តិ តស្សេវ បជហនស្ស សាធនវសេន បវត្តវីរិយំ. កុសលានំ ធម្មានំ ព្រូហនត្ថាយាតិ ពោជ្ឈង្គសង្ខាតានំ កុសលធម្មានំ វឌ្ឍនត្ថាយ. បធានន្តិ តស្សេវ វឌ្ឍនស្ស សាធនវសេន បវត្តវីរិយំ.

បធានសុត្តវណ្ណនា និដ្ឋិតា.