៥. វស្សការសុត្តវណ្ណនា

៣៥. បញ្ចមេ អរិយេ ញាយេតិ សំកិលេសតោ អារកត្តា អរិយេ និទ្ទោសេ បរិសុទ្ធេ និយ្យានិកធម្មភាវតោ ញាយេ ការណេតិ អត្ថោ. ញាយតិ និច្ឆយេន កមតិ និព្ពានំ, តំ វា ញាយតិ បដិវិជ្ឈីយតិ ឯតេនាតី ញាយោ, អរិយមគ្គោ. សោ ឯវ ច សម្បាបកហេតុភាវតោ ការណន្តិ វុច្ចតិ. ឥធ បន សហ វិបស្សនាយ អរិយមគ្គោ អធិប្បេតោតិ អាហ ‘‘សហវិបស្សនកេ មគ្គេ’’តិ. គាថាសុ ‘‘ញាយំ ធម្ម’’ន្តិ ឯត្ថាបិ ឯសេវ នយោ.

វស្សការសុត្តវណ្ណនា និដ្ឋិតា.