៤-៦. បឋមខមសុត្តាទិវណ្ណនា

១៦៤-១៦៦. ចតុត្ថេ បធានករណកាលេ សីតាទីនិ នក្ខមតិ ន សហតីតិ អក្ខមា. ខមតិ សហតិ អភិភវតីតិ ខមា. ឥន្ទ្រិយទមនំ ទមា. ‘‘ឧប្បន្នំ កាមវិតក្កំ នាធិវាសេតី’’តិអាទិនា (ម. និ. ១.២៦; អ. និ. ៤.១៤; ៦.៥៨) នយេន វិតក្កសមនំ សមាតិ អាហ ‘‘អកុសលវិតក្កានំ វូបសមនបដិបទា’’តិ. និទស្សនមត្តញ្ចេតំ, សព្ពេសម្បិ កិលេសានំ សមនវសេន បវត្តា បដិបទា សមា. បញ្ចមឆដ្ឋានិ ឧត្តានត្ថានេវ.

បឋមខមសុត្តាទិវណ្ណនា និដ្ឋិតា.