៩. ភិក្ខុនីសុត្តវណ្ណនា

១៥៩. នវមេ ឯវំ បវត្តំ បច្ចុប្បន្នតណ្ហំ និស្សាយាតិ ‘‘កុទាស្សុ នាមាហម្បិ អាសវានំ ខយា’’តិអាទិនា នយេន អនុត្តរេ វិមោក្ខេ បិហំ ឧប្បាទេន្តស្ស ឧប្បន្នតណ្ហំ និស្សាយ. កថំ បន លោកុត្តរធម្មេ អារព្ភ អាសា ឧប្បជ្ជតីតិ? ន ខោ បនេតំ ឯវំ ទដ្ឋព្ពំ, ន អារម្មណករណវសេន តត្ថ បិហា បវត្តតិ អវិសយត្តា បុគ្គលស្ស ច អនធិគតភាវតោ. អនុស្សវូបលទ្ធេ បន អនុត្តរវិមោក្ខេ ឧទ្ទិស្ស បិហំ ឧប្បាទេន្តោ តត្ថ បិហំ ឧប្បាទេតិ នាម. នាកឌ្ឍតីតិ កម្មបថភាវំ អប្បត្តតាយ បដិសន្ធិំ ន ទេតិ. សេសំ សុវិញ្ញេយ្យមេវ.

ភិក្ខុនីសុត្តវណ្ណនា និដ្ឋិតា.