៧. ជិគុច្ឆិតព្ពសុត្តវណ្ណនា

២៧. សត្តមេ អព្ភុគ្គច្ឆតីតិ ឯត្ថ អភិ-សទ្ទាបេក្ខាយ ‘‘ន’’ន្តិ សាមិអត្ថេ ឧបយោគវចនន្តិ អាហ ‘‘អស្សា’’តិ ‘‘តំ ខោ បន ភវន្ត’’ន្តិអាទីសុ វិយ. បាបកោ កិត្តិសទ្ទោតិ លាមកភាវេន កថេតព្ពសទ្ទោ. គូថកូបោ វិយ ទុស្សីល្យន្តិ ឯតេន ទុស្សីលស្ស គូថសទិសត្តមេវ ទស្សេតិ. វចនន្តិ អនិដ្ឋវចនំ. បុរិមនយេនេវាតិ ‘‘គូថកូបោ វិយ ទុស្សីល្យ’’ន្តិអាទិនា បុព្ពេ វុត្តនយេន. សុចិមិត្តោតិ សីលាចារសុទ្ធិយា សុចិមិត្តោ. សហ អយន្តិ បវត្តន្តីតិ សហាយាតិ អាហ ‘‘សហគាមិនោ’’តិ.

ជិគុច្ឆិតព្ពសុត្តវណ្ណនា និដ្ឋិតា.