១០. ទុតិយឧប្បាទសុត្តំ

៥៣០. ‘‘បញ្ចិមានិ, ភិក្ខវេ, ឥន្ទ្រិយានិ ភាវិតានិ ពហុលីកតានិ អនុប្បន្នានិ ឧប្បជ្ជន្តិ, នាញ្ញត្រ សុគតវិនយា. កតមានិ បញ្ច? សទ្ធិន្ទ្រិយំ, វីរិយិន្ទ្រិយំ, សតិន្ទ្រិយំ, សមាធិន្ទ្រិយំ, បញ្ញិន្ទ្រិយំ – ឥមានិ ខោ, ភិក្ខវេ, បញ្ចិន្ទ្រិយានិ ភាវិតានិ ពហុលីកតានិ អនុប្បន្នានិ ឧប្បជ្ជន្តិ, នាញ្ញត្រ សុគតវិនយា’’តិ. ទសមំ.

សូករខតវគ្គោ ឆដ្ឋោ.

តស្សុទ្ទានំ –

សាលំ មល្លិកំ សេខោ ច, បទំ សារំ បតិដ្ឋិតំ;

ព្រហ្មសូករខតាយោ, ឧប្បាទា អបរេ ទុវេតិ.