២. សមុទយសុត្តំ

៤០៨. ‘‘ចតុន្នំ, ភិក្ខវេ, សតិបដ្ឋានានំ សមុទយញ្ច អត្ថង្គមញ្ច ទេសេស្សាមិ. តំ សុណាថ. កោ ច, ភិក្ខវេ, កាយស្ស សមុទយោ? អាហារសមុទយា កាយស្ស សមុទយោ; អាហារនិរោធា កាយស្ស អត្ថង្គមោ. ផស្សសមុទយា វេទនានំ សមុទយោ; ផស្សនិរោធា វេទនានំ អត្ថង្គមោ. នាមរូបសមុទយា ចិត្តស្ស សមុទយោ; នាមរូបនិរោធា ចិត្តស្ស អត្ថង្គមោ. មនសិការសមុទយា ធម្មានំ សមុទយោ; មនសិការនិរោធា ធម្មានំ អត្ថង្គមោ’’តិ. ទុតិយំ.