៩. ភាវនាសុត្តំ

៤០៥. ‘‘ចតុន្នំ, ភិក្ខវេ, សតិបដ្ឋានានំ ភាវនំ ទេសេស្សាមិ. តំ សុណាថ’’. ‘‘កតមា, ភិក្ខវេ, ចតុន្នំ សតិបដ្ឋានានំ ភាវនា? ឥធ, ភិក្ខវេ, ភិក្ខុ កាយេ កាយានុបស្សី វិហរតិ អាតាបី សម្បជានោ សតិមា, វិនេយ្យ លោកេ អភិជ្ឈាទោមនស្សំ; វេទនាសុ…បេ… ចិត្តេ…បេ… ធម្មេសុ ធម្មានុបស្សី វិហរតិ អាតាបី សម្បជានោ សតិមា, វិនេយ្យ លោកេ អភិជ្ឈាទោមនស្សំ. អយំ ខោ, ភិក្ខវេ, ចតុន្នំ សតិបដ្ឋានានំ ភាវនា’’តិ. នវមំ.