៤. ទុប្បញ្ញសុត្តំ

២២៥. អថ ខោ អញ្ញតរោ ភិក្ខុ យេន ភគវា តេនុបសង្កមិ…បេ… ឯកមន្តំ និសិន្នោ ខោ សោ ភិក្ខុ ភគវន្តំ ឯតទវោច – ‘‘‘ទុប្បញ្ញោ ឯឡមូគោ, ទុប្បញ្ញោ ឯឡមូគោ’តិ, ភន្តេ, វុច្ចតិ. កិត្តាវតា នុ ខោ, ភន្តេ, ‘ទុប្បញ្ញោ ឯឡមូគោ’តិ វុច្ចតី’’តិ? ‘‘សត្តន្នំ ខោ, ភិក្ខុ, ពោជ្ឈង្គានំ អភាវិតត្តា អពហុលីកតត្តា ‘ទុប្បញ្ញោ ឯឡមូគោ’តិ វុច្ចតិ. កតមេសំ សត្តន្នំ? សតិសម្ពោជ្ឈង្គស្ស…បេ… ឧបេក្ខាសម្ពោជ្ឈង្គស្ស – ឥមេសំ ខោ, ភិក្ខុ, សត្តន្នំ ពោជ្ឈង្គានំ អភាវិតត្តា អពហុលីកតត្តា ‘ទុប្បញ្ញោ ឯឡមូគោ’តិ វុច្ចតី’’តិ. ចតុត្ថំ.