៩. បឋមទ្វយសុត្តំ

៩២. ‘‘ទ្វយំ វោ, ភិក្ខវេ, ទេសេស្សាមិ. តំ សុណាថ. កិញ្ច, ភិក្ខវេ, ទ្វយំ? ចក្ខុញ្ចេវ រូបា ច, សោតញ្ចេវ សទ្ទា ច, ឃានញ្ចេវ គន្ធា ច, ជិវ្ហា ចេវ រសា ច, កាយោ ចេវ ផោដ្ឋព្ពា ច, មនោ ចេវ ធម្មា ច – ឥទំ វុច្ចតិ, ភិក្ខវេ, ទ្វយំ.

‘‘យោ, ភិក្ខវេ, ឯវំ វទេយ្យ – ‘អហមេតំ ទ្វយំ បច្ចក្ខាយ អញ្ញំ ទ្វយំ បញ្ញបេស្សាមី’តិ, តស្ស វាចាវត្ថុកមេវស្ស. បុដ្ឋោ ច ន សម្បាយេយ្យ. ឧត្តរិញ្ច វិឃាតំ អាបជ្ជេយ្យ. តំ កិស្ស ហេតុ? យថា តំ, ភិក្ខវេ, អវិសយស្មិ’’ន្តិ. នវមំ.