៩. អាទិត្តសុត្តំ

៦១. សាវត្ថិនិទានំ. ‘‘រូបំ, ភិក្ខវេ, អាទិត្តំ, វេទនា អាទិត្តា, សញ្ញា អាទិត្តា, សង្ខារា អាទិត្តា, វិញ្ញាណំ អាទិត្តំ. ឯវំ បស្សំ, ភិក្ខវេ, សុតវា អរិយសាវកោ រូបស្មិម្បិ និព្ពិន្ទតិ, វេទនាយបិ… សញ្ញាយបិ… សង្ខារេសុបិ… វិញ្ញាណស្មិម្បិ និព្ពិន្ទតិ. និព្ពិន្ទំ វិរជ្ជតិ; វិរាគា វិមុច្ចតិ. វិមុត្តស្មិំ វិមុត្តមិតិ ញាណំ ហោតិ. ‘ខីណា ជាតិ, វុសិតំ ព្រហ្មចរិយំ, កតំ ករណីយំ, នាបរំ ឥត្ថត្តាយា’តិ បជានាតី’’តិ. នវមំ.