៦. សេនកត្ថេរគាថា

២៨៧. ‘‘ស្វាគតំ វត មេ អាសិ, គយាយំ គយផគ្គុយា;

យំ អទ្ទសាសិំ សម្ពុទ្ធំ, ទេសេន្តំ ធម្មមុត្តមំ.

២៨៨. ‘‘មហប្បភំ គណាចរិយំ, អគ្គបត្តំ វិនាយកំ;

សទេវកស្ស លោកស្ស, ជិនំ អតុលទស្សនំ.

២៨៩. ‘‘មហានាគំ មហាវីរំ, មហាជុតិមនាសវំ;

សព្ពាសវបរិក្ខីណំ, សត្ថារមកុតោភយំ.

២៩០. ‘‘ចិរសំកិលិដ្ឋំ វត មំ, ទិដ្ឋិសន្ទានពន្ធិតំ [សន្ធិតំ (សី. ស្យា.), សន្ទិតំ (បី. សី. អដ្ឋ.)];

វិមោចយិ សោ ភគវា, សព្ពគន្ថេហិ សេនក’’ន្តិ.

… សេនកោ ថេរោ….