១០. សិរិមត្ថេរគាថា

១៥៩. ‘‘បរេ ច នំ បសំសន្តិ, អត្តា ចេ អសមាហិតោ;

មោឃំ បរេ បសំសន្តិ, អត្តា ហិ អសមាហិតោ.

១៦០. ‘‘បរេ ច នំ គរហន្តិ, អត្តា ចេ សុសមាហិតោ;

មោឃំ បរេ គរហន្តិ, អត្តា ហិ សុសមាហិតោ’’តិ.

… សិរិមា ថេរោ….

វគ្គោ ទុតិយោ និដ្ឋិតោ.

តស្សុទ្ទានំ –

ចុន្ទោ ច ជោតិទាសោ ច, ថេរោ ហេរញ្ញកានិ ច;

សោមមិត្តោ សព្ពមិត្តោ, កាលោ តិស្សោ ច កិមិលោ [កិម្ពិលោ (សី. ស្យា. បី.), ឆន្ទលក្ខណានុលោមំ];

នន្ទោ ច សិរិមា ចេវ, ទស ថេរា មហិទ្ធិកាតិ.