៧. វំសង្គបញ្ហោ

៧. ‘‘ភន្តេ នាគសេន, ‘វំសស្ស ឯកំ អង្គំ គហេតព្ព’ន្តិ យំ វទេសិ, កតមំ តំ ឯកំ អង្គំ គហេតព្ព’’ន្តិ? ‘‘យថា, មហារាជ, វំសោ យត្ថ វាតោ, តត្ថ អនុលោមេតិ, នាញ្ញត្ថមនុធាវតិ, ឯវមេវ ខោ, មហារាជ, យោគិនា យោគាវចរេន យំ ពុទ្ធេន ភគវតា ភាសិតំ នវង្គំ សត្ថុ សាសនំ, តំ អនុលោមយិត្វា កប្បិយេ អនវជ្ជេ ឋត្វា សមណធម្មំ យេវ បរិយេសិតព្ពំ. ឥទំ, មហារាជ, វំសស្ស ឯកំ អង្គំ គហេតព្ពំ. ភាសិតម្បេតំ មហារាជ ថេរេន រាហុលេន –

‘‘‘នវង្គំ ពុទ្ធវចនំ, អនុលោមេត្វាន សព្ពទា;

កប្បិយេ អនវជ្ជស្មិំ, ឋត្វាបាយំ សមុត្តរិ’’’ន្តិ.

វំសង្គបញ្ហោ សត្តមោ.