៩. ឧប្បជ្ជតិជាននបញ្ហោ

៩. រាជា អាហ ‘‘ភន្តេ នាគសេន, យោ ឧប្បជ្ជតិ, ជានាតិ សោ ‘ឧប្បជ្ជិស្សាមី’’’តិ? ‘‘អាម, មហារាជ, យោ ឧប្បជ្ជតិ ជានាតិ សោ ‘ឧប្បជ្ជិស្សាមី’’’តិ. ‘‘ឱបម្មំ ករោហី’’តិ. ‘‘យថា, មហារាជ, កស្សកោ គហបតិកោ ពីជានិ បថវិយំ និក្ខិបិត្វា សម្មា ទេវេ វស្សន្តេ ជានាតិ ‘ធញ្ញំ និព្ពត្តិស្សតី’’’តិ? ‘‘អាម, ភន្តេ, ជានេយ្យា’’តិ. ‘‘ឯវមេវ ខោ, មហារាជ, យោ ឧប្បជ្ជតិ, ជានាតិ សោ ‘ឧប្បជ្ជិស្សាមី’’’តិ.

‘‘កល្លោសិ, ភន្តេ នាគសេនា’’តិ.

ឧប្បជ្ជតិជាននបញ្ហោ នវមោ.