៣. ពុទ្ធស្ស អនុត្តរភាវជាននបញ្ហោ

៣. រាជា អាហ ‘‘ភន្តេ នាគសេន, សក្កា ជានិតុំ ‘ពុទ្ធោ អនុត្តរោ’’’តិ? ‘‘អាម, មហារាជ, សក្កា ជានិតុំ ‘ភគវា អនុត្តរោ’’’តិ. ‘‘កថំ, ភន្តេ នាគសេន, សក្កា ជានិតុំ ‘ពុទ្ធោ អនុត្តរោ’’’តិ. ‘‘ភូតបុព្ពំ, មហារាជ, តិស្សត្ថេរោ នាម លេខាចរិយោ អហោសិ, ពហូនិ វស្សានិ អព្ភតីតានិ កាលង្កតស្ស កថំ សោ ញាយតី’’តិ. ‘‘លេខេន ភន្តេ’’តិ. ‘‘ឯវមេវ ខោ, មហារាជ, យោ ធម្មំ បស្សតិ, សោ ភគវន្តំ បស្សតិ, ធម្មោ ហិ, មហារាជ, ភគវតា ទេសិតោ’’តិ.

‘‘កល្លោសិ, ភន្តេ នាគសេនា’’តិ.

ពុទ្ធស្ស អនុត្តរភាវជាននបញ្ហោ តតិយោ.