២៩០. សីលវីមំសកជាតកំ (៣-៤-១០)

១១៨. សីលំ កិរេវ កល្យាណំ, សីលំ លោកេ អនុត្តរំ;

បស្ស ឃោរវិសោ នាគោ, សីលវាតិ ន ហញ្ញតិ.

១១៩. សោហំ សីលំ សមាទិស្សំ, លោកេ អនុមតំ សិវំ;

អរិយវុត្តិសមាចារោ, យេន វុច្ចតិ សីលវា.

១២០. ញាតីនញ្ច បិយោ ហោតិ, មិត្តេសុ ច វិរោចតិ;

កាយស្ស ភេទា សុគតិំ, ឧបបជ្ជតិ សីលវាតិ.

សីលវីមំសកជាតកំ ទសមំ.

អព្ភន្តរវគ្គោ ចតុត្ថោ.

តស្សុទ្ទានំ –

ទុម កំសវរុត្តមព្យគ្ឃមិគា, មណយោ មណិ សាលុកមវ្ហយនោ;

អនុសាសនិយោបិ ច មច្ឆវរោ, មណិកុណ្ឌលកេន កិរេន ទសាតិ.