២៨០. បុដទូសកជាតកំ (៣-៣-១០)

៨៨. អទ្ធា ហិ នូន មិគរាជា, បុដកម្មស្ស កោវិទោ;

តថា ហិ បុដំ ទូសេតិ, អញ្ញំ នូន ករិស្សតិ.

៨៩. ន មេ មាតា វា បិតា វា, បុដកម្មស្ស កោវិទោ;

កតំ កតំ ខោ ទូសេម, ឯវំ ធម្មមិទំ កុលំ.

៩០. យេសំ វោ ឯទិសោ ធម្មោ, អធម្មោ បន កីទិសោ;

មា វោ ធម្មំ អធម្មំ វា, អទ្ទសាម កុទាចនន្តិ.

បុដទូសកជាតកំ ទសមំ.

ឧទបានវគ្គោ [អរញ្ញវគ្គោ (សី. បី. ក.)] តតិយោ.

តស្សុទ្ទានំ –

ឧទបានវរំ វនព្យគ្ឃ កបិ, សិខិនី ច ពលាក រុចិរវរោ;

សុជនាធិបរោមកទូស បុន, សតបត្តវរោ បុដកម្ម ទសាតិ.