២៧០. ឧលូកជាតកំ (៣-២-១០)

៥៨. សព្ពេហិ កិរ ញាតីហិ, កោសិយោ ឥស្សរោ កតោ;

សចេ ញាតីហិ អនុញ្ញាតោ [ញាតីហនុញ្ញាតោ (សី. បី.)], ភណេយ្យាហំ ឯកវាចិកំ.

៥៩. ភណ សម្ម អនុញ្ញាតោ, អត្ថំ ធម្មញ្ច កេវលំ;

សន្តិ ហិ ទហរា បក្ខី, បញ្ញវន្តោ ជុតិន្ធរា.

៦០. ន មេ រុច្ចតិ ភទ្ទំ វោ [ភទន្តេ (ក.)], ឧលូកស្សាភិសេចនំ;

អក្កុទ្ធស្ស មុខំ បស្ស, កថំ កុទ្ធោ ករិស្សតីតិ.

ឧលូកជាតកំ ទសមំ.

បទុមវគ្គោ ទុតិយោ.

តស្សុទ្ទានំ –

បទុមុត្តម នាគសិរិវ្ហយនោ, ស-មហណ្ណវ យូប ខុរប្បវរោ;

អថ ភទ្ទលី កុញ្ជរ រុក្ខ បុន, ខរវាច ឧលូកវរេន ទសាតិ.