២៥០. កបិជាតកំ (២-១០-១០)

២០០. អយំ ឥសី ឧបសមសំយមេ រតោ, ស តិដ្ឋតិ [សន្តិដ្ឋតិ (សី. បី.)] សិសិរភយេន អដ្ដិតោ;

ហន្ទ អយំ បវិសតុមំ អគារកំ, វិនេតុ សីតំ ទរថញ្ច កេវលំ.

២០១. នាយំ ឥសី ឧបសមសំយមេ រតោ, កបី អយំ ទុមវរសាខគោចរោ;

សោ ទូសកោ រោសកោ ចាបិ ជម្មោ, សចេវជេមម្បិ [សចេ + អាវជេ + ឥមម្បិ] ទូសេយ្យគារន្តិ [ទូសយេ ឃរន្តិ (សី. ស្យា. បី.)].

កបិជាតកំ ទសមំ.

សិង្គាលវគ្គោ ទសមោ.

តស្សុទ្ទានំ –

អថ រាជា សិង្គាលវរោ សុនខោ, តថា កោសិយ ឥច្ឆតិ កាលឃសោ;

អថ ទានវរោដ្ឋបិ សារថិនា, បុនម្ពវនញ្ច សិសិរកបិ ទសាតិ.

អថ វគ្គុទ្ទានំ –

ទឡ្ហញ្ច វគ្គំ អបរេន សន្ថវំ, កល្យាណវគ្គាសទិសោ ច រូហកំ;

នតំទឡ្ហ ពីរណថម្ភកំ បុន, កាសាវុបាហន សិង្គាលកេន ទសាតិ.

ទុកនិបាតំ និដ្ឋិតំ.