៩. នវមសិក្ខាបទវណ្ណនា

១១៥៨. នវមេ – សោកាវាសន្តិ សង្កេតំ កត្វា អគច្ឆមានា បុរិសានំ អន្តោ សោកំ បវេសេតីតិ សោកាវាសា, តំ សោកាវាសំ. តេនេវាហ – ‘‘សោកាវាសា នាម បរេសំ ទុក្ខំ ឧប្បាទេតី’’តិ. អថ វា ឃរំ វិយ ឃរសាមិកា, អយម្បិ បុរិសសមាគមំ អលភមានា សោកំ អាវិសតិ. ឥតិ យំ អាវិសតិ, ស្វាស្សា អាវាសោ ហោតីតិ សោកាវាសា. តេនាហ – ‘‘សោកំ អាវិសតី’’តិ. អជានន្តីតិ ឯទិសា អយន្តិ អជានមានា. សេសំ ឧត្តានមេវ. តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ.

នវមសិក្ខាបទំ.