៤-៥-៦. ចតុត្ថបញ្ចមឆដ្ឋសិក្ខាបទវណ្ណនា

១១៣៦. ចតុត្ថបញ្ចមឆដ្ឋេសុ សព្ពំ ឧត្តានមេវ. សព្ពានិ តិសមុដ្ឋានានិ ចតុត្ថំ កិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ. បញ្ចមំ កិរិយាកិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ. យញ្ចេត្ថ សង្ឃេន បរិច្ឆិន្ទិតព្ពាតិ វុត្តំ, តស្ស ឧបបរិក្ខិតព្ពាតិ អត្ថោ. ឆដ្ឋំ កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ ទុក្ខវេទនន្តិ. យំ បនេត្ថ ‘‘បរិច្ឆិន្ទិត្វា’’តិ វុត្តំ, តស្ស ឧបបរិក្ខិត្វាតិ អត្ថោ.

ចតុត្ថបញ្ចមឆដ្ឋសិក្ខាបទានិ