៨. អដ្ឋមសិក្ខាបទវណ្ណនា

៩១៦-៨. អដ្ឋមេ – នដា នាម យេ នាដកំ នាដេន្តិ. នដកា នាម យេ នច្ចន្តិ. លង្ឃកា នាម យេ វំសវរត្តាទីសុ លង្ឃនកម្មំ ករោន្តិ. សោកជ្ឈាយិកា នាម មាយាការា. កុម្ភថូណិកា នាម ឃដកេន កីឡនកា; ពិម្ពិសកវាទកាតិបិ វទន្តិ. ទេតិ អាបត្តិ បាចិត្តិយស្សាតិ ឯត្ថ ចីវរគណនាយ អាបត្តិយោ វេទិតព្ពា. សេសំ ឧត្តានមេវ.

ឆសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ.

អដ្ឋមសិក្ខាបទំ.