៩. នវមសិក្ខាបទវណ្ណនា

៩២១-៤. នវមេ – ទុព្ពលចីវរបច្ចាសាយាតិ ទុព្ពលាយ ចីវរបច្ចាសាយ. អានិសំសន្តិ កិញ្ចាបិ ‘‘ន មយំ អយ្យេ សក្កោមា’’តិ វទន្តិ, ‘‘ឥទានិ បន តេសំ កប្បាសោ អាគមិស្សតិ, សទ្ធោ បសន្នោ បុរិសោ អាគមិស្សតិ, អទ្ធា ទស្សតី’’តិ ឯវំ អានិសំសំ ទស្សេត្វា និវារេន្តិយា អនាបត្តិ. សេសំ ឧត្តានមេវ.

តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ, តិវេទនន្តិ.

នវមសិក្ខាបទំ.