៧. សត្តមសិក្ខាបទវណ្ណនា

៩១១. សត្តមេ – បក្កមិំសូតិ អញ្ញាសម្បិ អាគមនំ អាគមេន្តី ‘‘អទ្ធា អម្ហាកម្បិ អាគមេស្សតី’’តិ តត្ថ តត្ថ អគមំសុ. បដិពាហេយ្យាតិ បដិសេធេយ្យ.

៩១៥. អានិសំសន្តិ ‘‘ឯកិស្សា ឯកំ សាដកំ នប្បហោតិ, អាគមេថ តាវ, កតិបាហេន ឧប្បជ្ជិស្សតិ, តតោ ភាជេស្សាមី’’តិ ឯវំ អានិសំសំ ទស្សេត្វា បដិពាហន្តិយា អនាបត្តិ. សេសំ ឧត្តានមេវ.

តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ.

សត្តមសិក្ខាបទំ.