៦. ឆដ្ឋសិក្ខាបទវណ្ណនា

៩០៩-១០. ឆដ្ឋេ – អញ្ញំ បរិក្ខារន្តិ យំកិញ្ចិ ថាលកាទីនំ វា សប្បិតេលាទីនំ វា អញ្ញតរំ. អានិសំសន្តិ ‘‘កិត្តកំ អគ្ឃនកំ ទាតុកាមត្ថា’’តិ បុច្ឆតិ, ‘‘ឯត្តកំ នាមា’’តិ វទន្តិ, ‘‘អាគមេថ តាវ, ឥទានិ វត្ថំ មហគ្ឃំ, កតិបាហេន កប្បាសេ អាគតេ សមគ្ឃំ ភវិស្សតី’’តិ ឯវំ វត្វា និវារេន្តិយា អនាបត្តិ. សេសំ ឧត្តានមេវ.

តិសមុដ្ឋានំ – កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ, តិវេទនន្តិ.

ឆដ្ឋសិក្ខាបទំ.