៩. សេនាវាសសិក្ខាបទវណ្ណនា

៣១៩. នវមេ – អត្ថង្គតេ សូរិយេ សេនាយ វសតីតិ តិដ្ឋតុ វា និសីទតុ វា សយតុ វា សចេបិ អាកាសេ ឥទ្ធិយា កញ្ចិ ឥរិយាបថំ កប្បេតិ, បាចិត្តិយមេវ. សេនា វា បដិសេនាយ រុទ្ធា ហោតីតិ យថា សញ្ចារោ ឆិជ្ជតិ; ឯវំ រុទ្ធា ហោតិ. បលិពុទ្ធោតិ វេរិកេន វា ឥស្សរេន វា រុទ្ធោ. សេសំ ឧត្តានមេវ. ឯឡកលោមសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, តិចិត្តំ, តិវេទនន្តិ.

សេនាវាសសិក្ខាបទំ នវមំ.