១០. ឧយ្យោធិកសិក្ខាបទវណ្ណនា

៣២២. ទសមេ – ឧគ្គន្ត្វា ឧគ្គន្ត្វា ឯត្ថ យុជ្ឈន្តីតិ ឧយ្យោធិកំ; សម្បហារដ្ឋានស្សេតំ អធិវចនំ. ពលស្ស អគ្គំ ជានន្តិ ឯត្ថាតិ ពលគ្គំ; ពលគណនដ្ឋានន្តិ អត្ថោ. សេនាយ វិយូហំ សេនាព្យូហំ; សេនានិវេសស្សេតំ អធិវចនំ. តយោ ហត្ថី បច្ឆិមំ ហត្ថានីកន្តិ យោ បុព្ពេ វុត្តោ ទ្វាទសបុរិសោ ហត្ថីតិ តេន ហត្ថិនា តយោ ហត្ថី. សេសេសុបិ ឯសេវ នយោ. សេសំ ឧយ្យុត្តសេនាសិក្ខាបទេ វុត្តនយេនេវ វេទិតព្ពំ សទ្ធិំ សមុដ្ឋានាទីហីតិ.

ឧយ្យោធិកសិក្ខាបទំ ទសមំ.

សមត្តោ វណ្ណនាក្កមេន អចេលកវគ្គោ បញ្ចមោ.